म्हसवड : धुळदेवमध्ये भयानक अपघात, दोघे जागीच ठार; तीन जखमी

एकाच वेळी एकाच कॅफेबाहेर स्पॉट झाल्याने डेटिंगच्या अफवांना पुनश्चे उधाण; दोघांनीही यापूर्वी केल्या होत्या अफवा खोडून

मुंबई : क्रिकेट आणि बॉलिवूड हे न तुटणारे समीकरण पुन्हा एकदा चर्चेत आले आहे. टीम इंडियाचा धडाकेबाज वेगवान गोलंदाज मोहम्मद सिराज आणि ‘बिग बॉस’ फेम अभिनेत्री माहिरा शर्मा यांच्या अफेअरच्या चर्चांना पुन्हा उधाण आले आहे. दोघेही एकाच वेळी मुंबईतील एकाच कॅफेबाहेर स्पॉट झाल्याने या चर्चांना दुजोरा मिळाला आहे.

एकाच कॅफेबाहेर दोघेही स्पॉट

नुकताच मोहम्मद सिराज आणि माहिरा शर्मा यांचा एक व्हिडीओ सोशल मीडियावर व्हायरल झाला आहे. या व्हिडीओमध्ये दोघेही मुंबईतील एकाच कॅफेबाहेर पडताना दिसले आहेत. व्हिडीओमध्ये सिराज बाहेर चाहत्यांशी संवाद साधताना दिसत आहे, तर माहिरा कॅफेमधून बाहेर पडून थेट आपल्या गाडीच्या दिशेने जाताना दिसत आहे. दोघेही एकमेकांसोबत नसले तरी, एकाच वेळी एकाच ठिकाणी उपस्थित असल्याने चाहत्यांमध्ये उत्सुकता वाढली आहे.

‘को-इन्सिडेंस’ की ‘कनेक्शन’?

दोघेही एकाच वेळी एकाच कॅफेबाहेर स्पॉट झाल्यामुळे सोशल मीडियावर प्रतिक्रियांचा कल्लोळ माजला आहे. अनेकांनी हा केवळ योगायोग असल्याचे म्हटले आहे, तर काहींनी दोघेही एकमेकांना डेट करत असल्याचे ठरवूनच टाकले आहे. चाहत्यांनी या व्हिडीओवर विविध कमेंट्स करत आपली उत्सुकता व्यक्त केली आहे.

कशा सुरू झाल्या होत्या अफवा?

मोहम्मद सिराज आणि माहिरा शर्मा यांच्या डेटिंगच्या अफवा २०२४ मध्ये सुरू झाल्या होत्या. दोघांनी एकमेकांना इन्स्टाग्रामवर फॉलो केल्यानंतर चाहत्यांची नजर त्यांच्याकडे गेली. दोघांनी एकमेकांच्या पोस्टवर केलेल्या लाईक्स आणि कमेंट्सनाही चाहत्यांनी नोटिस केले. त्यानंतर काहीच दिवसांत सोशल मीडियावर दोघांच्या डेटिंगच्या अफवांनी जोर धरला होता.

दोघांनीही केल्या होत्या अफवा खोडून

या अफवांवर माहिरा शर्माने एका मुलाखतीत स्पष्टीकरण दिले होते. ती म्हणाली होती, “मी कुणालाच डेट करत नाहीये…” तर मोहम्मद सिराजनेही इन्स्टाग्राम स्टोरीद्वारे या सर्व अफवा असल्याचे स्पष्ट केले होते. दोघांनीही यापूर्वी या चर्चांना विराम दिला असला, तरी पुन्हा एकदा त्यांच्या एकाच ठिकाणी उपस्थितीमुळे चर्चांना उधाण आले आहे.

अनुष्का शर्मा-विराट कोहली, सागरिका घाटगे-जहीर खान यांच्याप्रमाणे आता सिराज-माहिरा जोडी जुळणार का, याकडे चाहत्यांचे लक्ष लागले आहे. मात्र, दोघांकडून अद्याप या नव्या व्हिडीओवर कोणतीही प्रतिक्रिया देण्यात आलेली नाही. त्यामुळे ही चर्चा आणखी रंगण्याची शक्यता आहे.