म्हसवड : धुळदेवमध्ये भयानक अपघात, दोघे जागीच ठार; तीन जखमी

 कॅमेरॉन ग्रीनची गोलंदाजीवर बंदी? रहाणेच्या उत्तराने सगळेच डोकं खाजवू लागले

कोलकाता : आयपीएल २०२६ च्या पहिल्याच सामन्यात कोलकाता नाईट रायडर्स (केकेआर) ला मुंबई इंडियन्सकडून ६ गडी राखून पराभव स्वीकारावा लागला. २२० धावांचा डोंगर उभारूनही केकेआरला पराभव का स्वीकारावा लागला, याचे मुख्य कारण म्हणजे संघातील सर्वात महागड्या खेळाडू कॅमेरॉन ग्रीनला गोलंदाजीची संधीच न मिळणे.

केकेआरने ऑस्ट्रेलियन ऑलराउंडर कॅमेरॉन ग्रीनला २५.२० कोटी रुपयांत खरेदी केले होते. त्याची मध्यमगती गोलंदाजी संघाच्या संतुलनासाठी महत्त्वाची मानली जात होती. मात्र, संपूर्ण सामन्यात ग्रीनला एकही षटक टाकण्याची संधी देण्यात आली नाही.

सामन्यानंतर कर्णधार अजिंक्य रहाणेला याबाबत विचारले असता, त्याने दिलेले उत्तरही चर्चेचा विषय बनले. रहाणे म्हणाला,  

हा प्रश्न तुम्ही क्रिकेट ऑस्ट्रेलियाला विचारायला हवा.

या एका वाक्यात संपूर्ण कहाणी सामावली होती. ग्रीनच्या गोलंदाजीवर वरून (क्रिकेट ऑस्ट्रेलियाकडून) बंदी घालण्यात आल्याचे संकेत रहाणेने दिले. 

रहाणे पुढे म्हणाला, “आशा आहे की ग्रीन लवकरच गोलंदाजी सुरू करेल आणि मग आमच्या संघात बदल होईल. सध्या गोलंदाजीचा ताफा अननुभवी आहे, पण ही मुले शिकतील. हा एक शिकण्याचा टप्पा आहे.”

 रहाणेची शानदार खेळी

रहाणेने ४० चेंडूत ६७ धावा करत केकेआरसाठी लढा दिला. आपल्या फॉर्मवर बोलताना त्याने हलक्या अंदाजात म्हटले, “मी अजून तरुण आहे!” — हे वाक्य ऐकून सगळेच हसले, पण त्यात त्याचा आत्मविश्वास स्पष्ट दिसत होता.

मुंबईची सलामी जोडीने केले वर्चस्व

मुंबईकडून रोहित शर्मा (७८) आणि रायन रिकल्टन (८१) यांनी १४८ धावांची भागीदारी करत सामना सुरुवातीपासूनच एकतर्फी केला. केकेआरच्या गोलंदाजांना मुंबईच्या फलंदाजांना रोखता आले नाही.

रहाणेने मान्य केले की, मुंबईने चांगली फलंदाजी केली, पण केकेआरसमोर खरे आव्हान गोलंदाजी विभागात आहे.