वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

सांगली जिल्हा परिषद अध्यक्षपदी संगीता पाटील यांचा दणदणीत विजय; भाजप युतीचा पराभव

अजित पवार गटातील चार सदस्यांची महाविकास आघाडीला पाठिंबा; शिवसेनेचे दोन सदस्य गैरहजर

सांगली: सांगली जिल्हा परिषदेच्या अध्यक्षपदाच्या निवडणुकीत वाळवा तालुक्यातील राष्ट्रवादी काँग्रेसच्या (महाविकास आघाडी) संगीता पाटील यांनी भाजप युतीच्या उमेदवार स्वप्नाली मासाळ यांचा पराभव करत इतिहास रचला. संगीता पाटील यांना 34 मते मिळाली, तर स्वप्नाली मासाळ यांना केवळ 25 मते मिळवता आली.

हा निकाल राजकीय समीकरणांच्या दृष्टीने अत्यंत महत्त्वाचा मानला जात आहे. शिवसेनेचे दोन सदस्य मतदानापासून गैरहजर राहिले, ज्यामुळे भाजप युतीच्या उमेदवाराचे नुकसान झाले. तसेच अजित पवार यांच्या राष्ट्रवादी काँग्रेस गटातील चार सदस्यांनी महाविकास आघाडीला पाठिंबा देत संगीता पाटील यांच्या पारड्यात मत टाकले, तर दोन सदस्य भाजपसोबत गेले. या राजकीय घडामोडींमुळे सांगली जिल्हा परिषदेत महाविकास आघाडीचे वर्चस्व सिद्ध झाले आहे.