वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

 करण जौहरसमोर प्रॉडक्शन हाऊसच्या माध्यमातून नवोदितांना संधी देण्याची घोषणा; नेपोटिझमवर भाष्य.

आलिया भट्टकडून मोठा निर्णय, आऊटसायडर्सना देणार संधी; करण जौहरसमोर खुलासा

मुंबई : बॉलिवूड अभिनेत्री आलिया भट्टने मोठा निर्णय घेतला आहे. ती आपल्या प्रॉडक्शन हाऊसच्या माध्यमातून आऊटसायडर (बाहेरच्या) कलाकारांना संधी देणार असल्याची घोषणा केली आहे. बॉलिवूडमध्ये इनसायडर वर्सेस आऊटसायडर या विषयावर बरीच चर्चा रंगत असताना आलियाच्या या पुढाकाराचे सध्या कौतुक होत आहे. शुक्रवारी झालेल्या एका कार्यक्रमात निर्माता करण जौहरसमोर आलियाने ही घोषणा केली.

करण जौहरसमोर केला खुलासा

शुक्रवारी आलिया आपल्या नवीन प्रॉडक्शन फिल्म 'डोन्ट बी शाय'च्या लॉन्च इव्हेंटमध्ये सहभागी झाली होती. हा चित्रपट अमेझॉनच्या ओटीटी प्लॅटफॉर्म प्राइम व्हिडिओवर प्रदर्शित होणार आहे. या इव्हेंटमध्ये बऱ्याच प्रॉडक्शनची घोषणा झाली. यावेळी करण जौहर उपस्थित असताना आलियाने मंचावर एक मोठी घोषणा केली. आलियाने केलेल्या वक्तव्याने उपस्थितांचे लक्ष वेधून घेतले.

या कार्यक्रमात करण जौहरने आलिया भट्टची प्रशंसा केली. तो म्हणाला, "ती आता एक हुशार आणि अनुभवी निर्माती बनली आहे. कारण माझ्या प्रश्नांपेक्षा तिने दिलेली उत्तरे फार वेगळी असतात." यावर आलियाने उत्तर देत म्हटले की, "हा करण. कारण अॅक्टर्सना लॉन्च करण्याची एक पद्धत असते." यावर करण जौहरने गंमतीने उत्तर देत म्हटले, "कदाचित मला कलाकारांना कसे लॉन्च करावे, याबद्दल फारसे काही माहित नाही." त्याने आलियाला त्याच्या निर्मिती असलेल्या 'स्टुडंट ऑफ द इअर'ची आणि तिला या चित्रपटाद्वारे कसे लॉन्च केले, याबद्दल आठवण करून दिली.

'आऊटसायडर्सना संधी देणार'

करण जौहरने आलियाला एक महत्त्वाचा प्रश्न विचारला – "आलिया ज्या कलाकारांना लॉन्च करणार आहे, ते आऊटसायडर्स आहेत का?" या प्रश्नावर आलियाने स्पष्टपणे 'हो' असे उत्तर दिले. तिचे हे उत्तर ऐकून करण जौहरने आलियाचे कौतुक केले. "मला तुझा अभिमान आहे," असे करण आलियाला म्हणाला. आलियाने यावेळी सांगितले की, ती आपल्या प्रॉडक्शनच्या माध्यमातून आऊटसायडर्स आणि त्यांच्या टॅलेंटला लॉन्च करणार आहे.

चांगल्या लोकांनी नेहमी शिकवले आहे

करण जौहरच्या प्रश्नांना उत्तर देताना आलिया म्हणाली, "बरं मी काय बोलू शकते, चांगल्या लोकांनी नेहमी शिकवले आहे. प्रत्येक गोष्टीचे एक टायमिंग असते." तिने आपल्या प्रॉडक्शन हाऊसच्या माध्यमातून नवोदित कलाकारांना संधी देण्याचा मानस व्यक्त केला. बॉलिव्हूडमध्ये नेपोटिझमवर बऱ्याच काळापासून वादविवाद होत असताना, आलियाच्या या निर्णयाने आता या वादाला नवी दिशा मिळणार असल्याचे बोलले जात आहे.

नेपोटिझमचा टॅग खोडून काढला

आलिया भट्टवर नेहमीच नेपोटिझमचा टॅग लागला होता. परंतु, तिने अभिनय आणि टॅलेंटच्या जोरावर हा टॅग खोडून काढला आहे. आता ती स्वतः निर्माती म्हणून आऊटसायडर्सना संधी देण्याचा निर्णय घेत आहे. आलियाच्या या पुढाकाराचे बॉलिवूड वर्तुळात कौतुक होत असून, नवोदित कलाकारांमध्येही उत्सुकता आहे. आलियाचे प्रॉडक्शन हाऊस कोणत्या नव्या चेहऱ्यांना संधी देणार, याकडे सर्वांचे लक्ष लागले आहे.