दुष्काळी पाहणी दौऱ्यात एकत्र प्रवास; 'शेतकऱ्यांना तात्काळ मदत गरजेची'; 'आताच्या दुष्काळाची तुलना कोणत्याही दुष्काळाशी होऊ शकत नाही'; मेटल डिटेक्टरच्या मुद्द्यावर स्पष्टीकरण
क्रांती न्यूज (प्रतिनिधी) - सचिन मेनकुदळे
धाराशिव - राज्यातील बहुतांश भागात दुष्काळी परिस्थिती निर्माण झाली आहे. शेतकऱ्यांची उभी पिकं करपू लागली आहेत. या पार्श्वभूमीवर राज्याचे मुख्यमंत्री देवेंद्र फडणवीस यांनी आज धाराशिव जिल्ह्यात नुकसानग्रस्त भागाचा पाहणी दौरा केला.
यावेळी धाराशिव जिल्ह्यातील एकमेकांचे कट्टर विरोधक असणारे भाजप आमदार राणा जगजितसिंह पाटील आणि शिवसेना शिंदे गटाचे खासदार ओमराजे निंबाळकर हे मुख्यमंत्र्यांच्या गाडीत एकत्र बसल्याचे पाहायला मिळाले.
याबाबत ओमराजे यांनी प्रतिक्रिया दिली आहे. "मुख्यमंत्र्यांना लोकांच्या समस्या सांगण्यासाठी मी गाडीत बसलो होतो. त्यांचं मी तोंडही पाहत नाही," अशा शब्दात ओमराजे यांनी राणा जगजितसिंह पाटील यांच्यावर टीका केली.
राणा जगजितसिंह पाटील आणि ओमराजे यांनी एकत्र गाडीतून प्रवास केल्यानंतर ओमराजे निंबाळकर यांनी भाष्य केले. "मुख्यमंत्र्यांना लोकांच्या समस्या सांगण्यासाठी मी गाडीत बसलो होतो. त्यांचं मी तोंडही पाहत नाही. ती प्रवृत्तीच नीच आहे," असे म्हणत ओमराजेंनी राणा जगजितसिंह पाटलांवर हल्लाबोल केला.
"शेतकऱ्यांचे सगळं पिकं वाया गेलं आहे, सोबत केलेला खर्चही मातीत गेला आहे. त्यामुळे तात्काळ शेतकऱ्याला मदत मिळणं गरजेचं आहे," असे ओमराजे म्हणाले.
मुख्यमंत्री त्याबाबत सकारात्मक असल्याचेही ओमराजे निंबाळकरांनी सांगितले.
"आताच्या दुष्काळाची तुलना कोणत्याही दुष्काळाशी होऊ शकत नाही," एवढी भयंकर परिस्थिती असल्याचे निंबाळकर म्हणाले.
"ओल्या दुष्काळात काहीतरी पदरात पडतं, मात्र कोरड्या दुष्काळात शेतीचे मोठं नुकसान होतं. हे पाहणी दौऱ्यात मुख्यमंत्र्यांच्याही लक्षात आल्याचे," ते म्हणाले.
"महापुरातील इतर मदत मिळाली आहे, खरडून गेलेल्या जमिनीची मदत बाकी असून तीही लवकरच मिळेल," असेही निंबाळकर म्हणाले.
"सरकारचे प्रमुख बांधावर येऊन शेतकऱ्यांचं दुःख जाणून घेत असतील, तर त्याला दौऱ्याचा फार्स म्हणणे योग्य नाही," असे म्हणत शिवसेना खासदार ओमराजे निंबाळकर यांनी विरोधकांना प्रत्युत्तर दिले.
"मेटल डिटेक्टर सर्व ठिकाणी लावले नव्हते, फक्त मलकापूर या ठिकाणी होते. मुख्यमंत्र्यांनी अशी काही व्यवस्था करू नका, असे सांगितलं होतं, त्यानंतर ते काढले," मेटल डिटेक्टरच्या मुद्द्यावर ओमराजे यांनी स्पष्टीकरण दिले आहे.
"केंद्र सरकारची मदत मिळवण्यासाठी पंचनामे गरजेचे असल्याचे मुख्यमंत्र्यांनी सांगितले आहे," असेही ते म्हणाले.
| मुद्दा | तपशील |
| दौरा | धाराशिव जिल्हा, दुष्काळी पाहणी |
| एकत्र प्रवास | राणा जगजितसिंह पाटील आणि ओमराजे निंबाळकर |
| ओमराजेंचे म्हणणे | 'त्यांचं तोंडही पाहत नाही' |
| शेतकरी | तात्काळ मदत गरजेची |
| दुष्काळ | तुलना होऊ शकत नाही |
| मेटल डिटेक्टर | फक्त मलकापूर येथे होते |
| पंचनामे | केंद्राच्या मदतीसाठी गरजेचे |
إرسال تعليق
Hi, thanks for reaching out to us! We’ve received your message and will get back to you shortly.
नमस्कार, आमच्याशी संपर्क साधल्याबद्दल धन्यवाद! आम्हाला तुमचा संदेश मिळाला आहे आणि आम्ही लवकरच तुमच्याशी संपर्क साधू.