क्रांती न्यूज (प्रतिनिधी) - सचिन मेनकुदळे
छत्रपती संभाजीनगर - मराठा आरक्षणाच्या (Maratha Reservation) पार्श्वभूमीवर कुणबी नोंदी (Kunbi Records) शोधण्याच्या प्रक्रियेला वेग देण्यासाठी मनोज जरांगे पाटील (Manoj Jarange Patil) यांनी पुन्हा एकदा मोठे आवाहन केले आहे. मोडी लिपीचा अभ्यास असलेल्या जाणकारांनी, मोडी लिपी वाचता येणाऱ्यांनी तसेच फारसीच्या अभ्यासकांनी छत्रपती संभाजीनगर येथील गॅलेक्सी हॉस्पिटलमध्ये येऊन भेटावे, असे आवाहन जरांगे पाटील यांनी केले आहे.
पत्रकार परिषदेत बोलताना मनोज जरांगे पाटील यांनी मोडी लिपी आणि फारसी भाषेच्या अभ्यासकांना येत्या काही दिवसांत रुग्णालयात येण्याचे आवाहन केले. कुणबी नोंदी शोधण्यासाठी सरकारच्या समितीसोबत काम करण्यासाठी या अभ्यासकांची मदत घेतली जाणार असल्याचे त्यांनी सांगितले.
मनोज जरांगे म्हणाले, "मोडीलिपी अभ्यासकांनी गॅलेक्सी हॉस्पिटलला यावे. उद्यापासून रविवारपर्यंत सर्वांनी रुग्णालयात यायचे आहे. फोनची वाट पाहू नका. आम्हाला मोडीलिपीचे अभ्यासक कोण आहेत हे माहीत नाही. त्यामुळे तुम्ही २७ सप्टेंबरच्या आत रुग्णालयात येऊन भेटा."
"मराठवाडा आणि पश्चिम महाराष्ट्रात जिथे जिथे मोडी लिपीचे अभ्यासक असतील, त्यांनी उद्या परवा, शनिवार, रविवार या पाच-सहा दिवसांत येऊन मला भेटा. बुधवारपासून रविवारपर्यंत कधीही या. तुम्ही तुमचे योगदान द्या. आपल्याला आपल्या लेकरासाठी काम करायचे आहे," असे जरांगे म्हणाले.
कुणबी नोंदी शोधण्यासाठी मोडी लिपीचे ज्ञान असलेल्या व्यक्तींची आवश्यकता असल्याचे त्यांनी स्पष्ट केले. नोंदी वाचणे, त्यांचा अभ्यास करणे आणि उपलब्ध कागदपत्रांमधील नोंदी जुळवणे यासाठी अभ्यासकांनी पुढे यावे, अशी भूमिका त्यांनी मांडली.
मनोज जरांगे पाटील यांनी केवळ मोडी लिपीच्या अभ्यासकांनाच नव्हे, तर फारसीच्या अभ्यासकांनाही रुग्णालयात येण्याचे आवाहन केले आहे.
ते म्हणाले, "मोडी लिपीच नव्हे, फारसीच्या अभ्यासकांनीही रुग्णालयात यायचे आहे. तुमच्या नशिबाने तुम्हाला सेवा करण्याची संधी आली आहे. तुम्हाला विशेष अधिकार दिला जाईल."
"आपल्याला जुना रेकॉर्ड शोधायचा आहे. हैदराबाद संस्थानातील जुने बाड शोधायचे आहेत. ही सर्व लिखापढी फारसी आणि मोडीलिपीत आहेत. त्यामुळे या भाषांच्या जाणकारांनी, अभ्यासकांनी येऊन मला भेटावे. मी तुमची नावे सरकारला देणार आहे," असे ते म्हणाले.
"तुम्हाला वंशावळ जुळवणे, फारसी आणि मोडीलिपीची माहिती असणे आवश्यक आहे. त्यामुळे अभ्यास असणाऱ्यांनीच या. इतरांनी गर्दी करू नका. तुमचे नाव आणि पत्ता घेऊन मला लवकर सरकारला कळवता येणार आहे," असेही त्यांनी सांगितले.
जुन्या कागदपत्रांमध्ये आणि विविध ठिकाणी उपलब्ध असलेल्या नोंदींमधून पुरावे शोधण्याची गरज असल्याचेही जरांगे पाटील यांनी सांगितले. हैदराबादच्या गॅझेटपासून विविध जुन्या रेकॉर्डपर्यंत शोध घेण्याचे आवाहन त्यांनी केले.
मनोज जरांगे म्हणाले, "ज्यांना मोडीलिपी वाचता येते त्यांनीही यावे. तुम्हाला हैदराबादच्या गॅझेटपासून सर्व शोधायचे आहे. तुम्हाला रेकॉर्ड शोधण्यासाठी योगदान देता येईल."
व्यापार होत असलेली ठिकाणे – जनावरांचे व्यापार होत असलेली ठिकाणे
तुरुंग आणि रुग्णालये – तेथील जुने रेकॉर्ड
संभाजीनगरातील पुराभिलेख विभाग
देवीची लस दिल्याचे पुरावे
ब्रिटिश कालीन आणि निजामकालीन पुरावे
ग्रंथालये – जुनी कागदपत्रे
दिल्लीपर्यंत – आवश्यक असल्यास शोध घ्यावा लागेल
मनोज जरांगे पाटील यांच्या सहकाऱ्यांच्या आर्थिक व्यवहारांची आयकर विभागाकडून चौकशी केली जाणार आहे. याबाबत विचारले असता मनोज जरांगे म्हणाले, "आरोपांची होऊ द्या चौकशी. सगळे सामोरे जायला तयार आहे. तुमच्याशी मैत्री करून आरक्षण सोडायला आम्ही दोन बापाची औलाद नाही."
"आंदोलनाच्या काळात आंदोलकांच्या चौकशा होणार? श्रीमंतांना गरीब मराठ्यांना साथ द्यायची नाही का? आज तुमच्या हातात सत्ता आहे. शिंदेंचे आमदार आमच्या चौकशी लावतात का? शिंदेंना सांगा, मराठा आंदोलकांची चौकशी करून तुमचे स्वप्न पूर्ण करून घ्या. निवडून मराठ्यांकडून आले आणि त्यांचीच चौकशी करीत आहेत. तुमची सत्ता पण कधी तरी जाणार आहे," असे जरांगे म्हणाले.
"संभाजीनगरच्या एका हॉटेलमध्ये इसार दिला, एका दैनिकाच्या कार्यालयात जाऊन बसले. ज्याला कर नाही त्याला डर कशाला? किती मराठ्यांचे आंदोलन गुंतविल्यावर शिंदेंचे पोट भरणार आहे? त्यांचे मित्र झालो नाही म्हणून त्यांच्याकडून हा त्रास आहे. राजकीय मराठा हा मराठा आंदोलकांच्या मागे लागला आहे," असे ते म्हणाले.
"गरीब मराठ्यांनी एक गोष्ट लक्षात ठेवा, ज्या दिवशी पाडा म्हटलं त्या दिवशी तुटून पडा," असेही त्यांनी म्हटले.
| मुद्दा | तपशील |
| आवाहन | मोडी आणि फारसी अभ्यासकांना गॅलेक्सी हॉस्पिटलमध्ये येण्याचे |
| मुदत | २७ सप्टेंबरच्या आत |
| उद्देश | कुणबी नोंदी शोधण्यासाठी मदत |
| शोधाची ठिकाणे | हैदराबाद संस्थान, तुरुंग, रुग्णालये, पुराभिलेख विभाग, ग्रंथालये, दिल्ली |
| आयकर चौकशी | 'होऊ द्या चौकशी, सामोरे जायला तयार' |
| इशारा | 'पाडा म्हटलं त्या दिवशी तुटून पडा' |
إرسال تعليق
Hi, thanks for reaching out to us! We’ve received your message and will get back to you shortly.
नमस्कार, आमच्याशी संपर्क साधल्याबद्दल धन्यवाद! आम्हाला तुमचा संदेश मिळाला आहे आणि आम्ही लवकरच तुमच्याशी संपर्क साधू.