शिंदेंच्या भाषणादरम्यान फडणवीसांची एन्ट्री, एका वाक्यात वाद संपवला; सातारा राड्याने विधिमंडळ गदगदले

"जयंत पाटलांना अशोक खरातने रक्ताने आंघोळ घातली"; गोपीचंद पडळकरांचा सनसनाटी आरोप

भाजप आमदार म्हणाले, 'पुरोगामीत्वाचा दावा करणाऱ्या राष्ट्रवादी नेत्यांचे भोंदूबाबांशी असलेले संबंध तपासावेत'; मुत्रप्राशनाचाही टोला

मुंबई: भाजप आमदार गोपीचंद पडळकर यांनी राष्ट्रवादी काँग्रेसचे नेते व विधानसभा अध्यक्ष जयंत पाटील यांच्यावर गंभीर आरोप केले आहेत. ईशान्येश्वर मंदिरातील एका कार्यक्रमाचा हवाला देत पडळकर म्हणाले की, जयंत पाटील यांना अशोक खरात नावाच्या व्यक्तीने रक्ताने आंघोळ घातली होती. या प्रकरणाची सखोल चौकशी व्हावी, अशी मागणी त्यांनी केली.

मुंबईत बुधवारी प्रसारमाध्यमांशी बोलताना पडळकर म्हणाले, "सार्वजनिक कार्यक्रमातील फोटोला महत्त्व नाही. मात्र, मठात जाणं, मंदिरात जाणं आणि पूजापद्धतीचा अवलंब करणं हे घातक आहे. जयंत पाटील यांना माणसाच्या रक्ताने आंघोळ घालण्यात आली की नाही, हे समोर आले पाहिजे. अशोक खरात याने नरबळी दिल्याचा पोलिसांना संशय आहे. त्यामुळे जयंत पाटील यांना ज्या रक्ताने आंघोळ घालण्यात आली, ते रक्त कोणाचे होते, हे तपासले पाहिजे."

पडळकर यांनी पुढे टीला करताना सांगितले की, "जयंत पाटील यांनी केवळ रक्ताने आंघोळ केलीच असे नाही, तर त्यांनी अशोक खरातचे मुत्रप्राशनही केले असेल. जर त्यांच्यावर अशोक खरातची कृपा असेल आणि त्यांनी त्याचे मुत्रप्राशन केले असेल, तर त्यांना राजकीय ताकद मिळाली असेल. मी जयंत पाटलांच्या डोक्यावर कलश ठेवून पूजा केल्याचा व्हिडीओ कधी समोर येतो, याची वाट पाहतोय."

एकीकडे फुले-शाहू-आंबेडकर यांचे नाव घेऊन पुरोगामीत्वाचा दावा करणाऱ्या राष्ट्रवादी नेत्यांच्या भूमिकेवरही पडळकर यांनी प्रश्नचिन्ह उपस्थित केले. ते म्हणाले, "एकीकडे फुले, शाहू, आंबेडकरांच्या विचारांचे म्हणायचे आणि दुसरीकडे अशा भोंदूबाबांना घरी आणायचे, पूजा करायच्या असे प्रकार राष्ट्रवादीच्या नेत्यांचे सुरू आहेत. ही भोंदूगिरी कोणाच्या मतांसाठी केली जात आहे?"

पडळकर यांनी जयंत पाटील जलसंपदा मंत्री असताना अशोक खरात याच्यासाठी ४० किलोमीटरची पाण्याची पाईपलाईन देण्यात आल्याचा गंभीर आरोपही केला. ते म्हणाले, "अशोक खरात याच्यासाठी ४० किलोमीटरची पाण्याची पाईपलाईन का दिली? यात जयंत पाटील यांचा मोठा सहभाग दिसतो."

महिला अत्याचाराच्या मुद्द्यावरूनही त्यांनी जयंत पाटलांना लक्ष्य केले. "गर्भवती महिलांवर अत्याचार करणारा अशोक खरात हा जयंत पाटील यांचा गुरू आहे. जयंत पाटील यांच्याकडे खरात पूजा घालतो, हे सगळ्या ईश्वरपूरला माहिती आहे. जयंत पाटील यांचा खरा चेहरा समोर आला पाहिजे," असेही पडळकर म्हणाले.

मुख्यमंत्री एका सार्वजनिक कार्यक्रमात दिसल्याबद्दल त्यांनी स्पष्टीकरण दिल्याचे नमूद करताना पडळकर म्हणाले की, "महाराष्ट्र हा छत्रपती शिवाजी महाराज, संत तुकाराम-ज्ञानेश्वर माऊलींचा राज्य आहे. अशा राज्यात अशोक खरातसारख्या भोंदूंना कडक शिक्षा दिली पाहिजे. हिंदुत्ववादी चळवळीतील कार्यकर्ते गेल्या वर्षभरापासून अशा भोंदू बाबांना उघडकीस आणत आहेत."

जयंत पाटील यांनी मात्र अद्याप या आरोपांवर कोणतीही प्रतिक्रिया दिलेली नाही.