वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

‘लोक मला शिव्या देतात, हीच…’; प्रसिद्ध मराठी अभिनेत्याची नकारात्मक भूमिकांबद्दल भावनिक प्रतिक्रिया

महेश कोकाटे म्हणाले, ‘हाच माझ्या कामाचा पुरस्कार’; अनाजी पंतपासून गंगाधर शास्त्रीपर्यंत निभावल्या अनेक खलनायकी भूमिका

मुंबई: छोट्या पडद्यावरील अनेक मालिका त्यातील पात्रांसाठी ओळखल्या जातात. काही भूमिका प्रेक्षकांच्या मनात अजरामर होतात, तर काही पात्रं आपल्या नकारात्मक भूमिकांमुळे चर्चेत असतात. सुप्रसिद्ध अभिनेते महेश कोकाटे यांनीही आपल्या करिअरमध्ये अनेक नकारात्मक भूमिका साकारल्या आहेत. या भूमिकांमुळे त्यांना प्रेक्षकांकडून ट्रोलिंगचा सामना करावा लागतो, मात्र ते याकडे आपल्या कामाची पोचपावती म्हणून पाहतात.

प्रेक्षकांच्या प्रतिक्रियांवर काय म्हणाले?

राजश्री मरठीला दिलेल्या मुलाखतीत महेश कोकाटे यांनी नकारात्मक भूमिकांबद्दल मनमोकळेपणाने बोलले. ते म्हणाले, “लोक मला मी साकारलेल्या भूमिकांसाठी शिव्या देतात. हीच माझ्या कामाची पोचपावती आहे. मला पाहिल्यानंतर लोक ‘कुचका’, ‘मेल्या’ असं म्हणतात. हाच माझा पुरस्कार आहे.”

गंगाधर शास्त्री ते अनाजी पंत

महेश कोकाटे सध्या स्टार प्रवाह वाहिनीवरील ‘मी सावित्रीबाई जोतीराव फुले’ या मालिकेत गंगाधर शास्त्री ही नकारात्मक व्यक्तिरेखा साकारत आहेत. यापूर्वी त्यांनी ‘स्वराज्य रक्षक संभाजी’ मालिकेत अनाजी पंत ही खलनायकी भूमिका साकारली होती. या भूमिकेबद्दल ते म्हणाले, “माझ्या आयुष्यातील मी साकारलेली पहिली नकारात्मक व्यक्तिरेखा म्हणजे अनाजी पंत.”

इतर नकारात्मक भूमिका

त्यांनी ‘अगं बाई सासूबाई’ या मालिकेतही नकारात्मक भूमिका साकारली होती. तसेच ऐतिहासिक मालिकांमध्येही त्यांनी अनेक खलनायकी भूमिका निभावल्या आहेत.

 ‘स्वराज्य जननी जिजामाता’ मालिकेत खंडोजी खोपडे

 ‘स्वराज्य सौदामिनी ताराराणी’ मालिकेत नागोजी माने

सकारात्मक भूमिकेचा अनुभव

नकारात्मक भूमिकांसोबतच महेश कोकाटे यांनी ‘अबोली’ या मालिकेत सकारात्मक भूमिकाही साकारली आहे. याबद्दल ते म्हणाले, “नकारात्मक भूमिका साकारत असताना मला जाणवलं की, मी खूप नकारात्मक भूमिका साकारल्या आहेत. पण नंतर मला ‘अबोली’ मालिकेत सकारात्मक भूमिका साकारायला मिळाली. मला खूप मजा आली.”

प्रेक्षकांकडून मिळणाऱ्या नकारात्मक प्रतिक्रियांनाही महेश कोकाटे आपल्या अभिनयाची यशस्वीता मानतात. त्यांची ही भूमिका सध्या सोशल मीडियावर चर्चेचा विषय ठरत आहे.