वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

इराणचे अमेरिकन नागरिकांना मोठे आवाहन; "हे तुमचे युद्ध नाही, निषेध करा" म्हणत संपूर्ण गेम पालटला

युद्धात एकही देश अमेरिकेच्या मदतीला नाही; होर्मुज खाडी इराणच्या ताब्यात, अमेरिकन नागरिकांनी केला युद्धाला विरोध, एनसीटीसी प्रमुख जो केंट यांच्या राजीनाम्यानंतर इराणचं मोठं वक्तव्य

तेहरान/वॉशिंग्टन: इराण आणि अमेरिका यांच्यात सुरू असलेल्या युद्धाने आता अमेरिकेचीच कोंडी केली आहे. युद्ध आता केवळ या दोन देशांपुरते मर्यादित न राहता जागतिक पातळीवर त्याचे पडसाद उमटू लागले आहेत. अमेरिकेला एकही देश मदतीला पुढे येत नसतानाच, इराणच्या परराष्ट्र मंत्रालयाने थेट अमेरिकन नागरिकांना आवाहन करत मोठा राजकीय डावपेच खेळला आहे.

अमेरिकन नागरिकांना इराणचे आवाहन

इराणच्या परराष्ट्र मंत्रालयाचे प्रवक्ते नासेर कनानी बघाई यांनी अमेरिकेच्या नागरिकांना इराणविरुद्धच्या युद्धाचा निषेध करण्याचे आवाहन केले आहे. कनानी म्हणाले, "हे अमेरिकन लोकांसाठी युद्ध नाही. प्रत्येक जागरूक नागरिक आणि अधिकाऱ्याने या युद्धाला विरोध करणे हे त्यांचे कर्तव्य असले पाहिजे." हे वक्तव्य अमेरिकेच्या नॅशनल काउंटरटेररिझम सेंटरचे (NCTC) प्रमुख जो केंट यांच्या राजीनाम्यानंतर आले आहे. जो केंट यांनी आपल्या राजीनामा पत्रात अमेरिकन प्रशासनावर गंभीर आरोप करताना म्हटले होते की, इराणकडून अमेरिकेला कोणताही धोका नसताना केवळ इस्रायलच्या दबावामुळे हे युद्ध लादले गेले.

होर्मुज खाडी इराणच्या ताब्यात

दरम्यान, इराणने होर्मुज खाडी आपल्या ताब्यात घेतली असून, अमेरिका, इस्रायल आणि या युद्धात मदत करणाऱ्या देशांची कोणतीही जहाजे सोडणार नसल्याची भूमिका इराणने घेतली आहे. यामुळे होर्मुज खाडीत मोठा जाम लागला असून, तेलाच्या किमतीत मोठी वाढ झाली आहे. जागतिक बाजारपेठ पूर्णपणे अस्थिर झाली आहे.

अमेरिकेची मदतीसाठी हातपाय झडपत

अध्यक्ष डोनाल्ड ट्रम्प यांनी होर्मुज खाडी सुरक्षित करण्यासाठी चीनसह इतर देशांना युद्धनौका पाठवण्याची विनंती केली होती. मात्र, एकही देश अमेरिकेच्या मदतीला पुढे आलेला नाही. अमेरिकेचे नागरिकही या युद्धाच्या विरोधात आहेत आणि ट्रम्प यांच्या समर्थनार्थ कोणीही पुढे येताना दिसत नाही. इस्रायलने २८ फेब्रुवारी २०२६ रोजी अमेरिकेच्या मदतीने इराणवर केलेल्या हल्ल्यानंतर हे युद्ध सुरू झाले असून, इराणने प्रत्युत्तर म्हणून कतार आणि UAE च्या ऊर्जा प्रकल्पांवर हल्ले केले आहेत. अमेरिकेचे युद्धातील हे एकटेपण आणि इराणचे अमेरिकन नागरिकांना केलेले आवाहन यामुळे संपूर्ण राजकीय समीकरणच पालटून गेले आहे.