शिंदेंच्या भाषणादरम्यान फडणवीसांची एन्ट्री, एका वाक्यात वाद संपवला; सातारा राड्याने विधिमंडळ गदगदले

 'दिखावा बंद कर, लाज वाटली पाहिजे तुला...'

रणवीर अलाहाबादियावर कुणाल कामरा प्रचंड संतापला; कमेंटमध्ये जोरदार टीका, 'तू विषासारखा आहेस'

कॉमेडियन रणवीर अलाहाबादिया याने २५ मार्च रोजी आपल्या १० वर्षांच्या प्रवासाबद्दल एक भावनिक पोस्ट शेअर केली. त्यात त्याने एका घटनेने आपला संपूर्ण प्रवास हादरला गेल्याचे सांगितले आणि संत कबीरांचा दोहा देखील उद्धृत केला.

या पोस्टच्या कमेंट सेक्शनमध्ये कॉमेडियन कुणाल कामरा यांनी रणवीरवर जोरदार निशाणा साधला आणि प्रचंड संताप व्यक्त केला.

 कुणाल कामरा काय म्हणाले?

कुणाल कामरा यांनी लिहिले:

“माझ्यासह ‘इंडियाज गॉट लेटेंट’मध्ये सहभागी असलेल्या ३० हून अधिक कलाकारांना समन्स पाठवले गेले. तुझ्या मूर्खपणामुळे संपूर्ण कॉमेडी इंडस्ट्रीला फटका बसला. अनेक शो रद्द झाले, वेन्यूजनी हात मागे घेतले. आजही अनेक चांगल्या कॉमेडियन्सचे आयुष्य कठीण झाले आहे.  

पण तू कधीही हा पैलू समजून घेण्याचा प्रयत्न केला नाहीस.  

चांगला माणूस असल्याचा दिखावा बंद कर. तू तसा नाहीसच. लाज वाटली पाहिजे तुला. क्रिएटिव्हिटीसाठी तू विषासारखा आहेस. आता लीपापोती थांबव आणि जे चांगलं जमतं तेच कर. लोकांना फसवणं, खोट्या गोष्टी सांगणं आणि फालतू प्रसिद्धी मिळवणं थांबव.”

 ‘इंडियाज गॉट लेटेंट’ वाद काय होता?

२०२५ मध्ये समय रैनाच्या शोमध्ये रणवीर अलाहाबादियाने आई-वडिलांच्या नात्याबद्दल आक्षेपार्ह टिप्पणी केली होती. यानंतर प्रकरण कोर्टात गेले. महाराष्ट्र सायबर सेलसह अनेक ठिकाणी एफआयआर दाखल झाल्या. अनेक कॉमेडियन्सना समन्स बजावण्यात आले आणि शो यूट्यूबवरून हटवण्यात आला होता.

रणवीर अलाहाबादियाने गेल्या वर्षीच्या या वादानंतर पहिल्यांदाच १० वर्षांच्या प्रवासाबद्दल बोललो, पण कुणाल कामराच्या तीव्र प्रतिक्रियेमुळे पुन्हा एकदा वादाला उधाण आले आहे.