वसंत ग्रामीण बिगर शेती सहकारी पतसंस्थेचा उद्या सुवर्ण महोत्सवी सोहळा!

  १५ मे पासून ऑनलाइन अर्ज सुरू होणार; १० वी + आयटीआय किंवा डिप्लोमा धारकांसाठी सुवर्णसंधी.

 नोकरीची मोठी संधी! रेल्वेत ११ हजाराहून अधिक पदांसाठी भरती, काय आहे पात्रता? कसा कराल अर्ज?

नवी दिल्ली : रेल्वेत नोकरी करण्याची इच्छा असणाऱ्या तरुणांसाठी मोठी बातमी समोर आली आहे. रेल्वे भरती मंडळाने (आरआरबी) सहाय्यक लोको पायलट पदाच्या भरतीसाठी संक्षिप्त अधिसूचना प्रसिद्ध केली आहे. या भरती मोहिमेअंतर्गत देशभरातील विविध रेल्वे झोनमध्ये ११ हजार १२७ पदे भरली जाणार आहेत. अधिसूचना प्रसिद्ध झाल्यानंतर उमेदवारांमध्ये मोठी उत्सुकता आहे.

रेल्वे मंत्रालयाने दिलेल्या माहितीनुसार, ही सूचक सूचना असून यामुळे उमेदवारांना आगाऊ तयारी करता येईल. पात्रता निकष, निवड प्रक्रिया आणि इतर महत्त्वाच्या तपशिलांसह सविस्तर अधिसूचना लवकरच आरआरबीच्या अधिकृत वेबसाइटवर प्रसिद्ध केली जाईल.

अर्ज कधी सुरू होतील?

सहाय्यक लोको पायलट भरतीसाठी ऑनलाइन अर्ज प्रक्रिया १५ मे २०२६ रोजी सुरू होईल. इच्छुक उमेदवार १४ जून २०२६ रोजी मध्यरात्री १२ वाजेपर्यंत अर्ज करू शकतात. अर्ज फक्त ऑनलाइन स्वीकारले जातील. उमेदवारांना rrbapply.gov.in या अधिकृत वेबसाइटवर अर्ज करणे आवश्यक आहे.

किती पदे भरली जातील?

या भरती मोहिमेअंतर्गत एकूण ११ हजार १२७ पदे भरली जातील. ही पदे देशभरातील विविध रेल्वे झोनमध्ये भरली जाणार असून, पदांचे वितरण झोननुसार केले जाईल. याचा तपशील सविस्तर अधिसूचनेत देण्यात येईल.

वयोमर्यादा आणि वेतनश्रेणी

या भरती प्रक्रियेसाठी किमान वय १८ वर्षे आणि कमाल वय ३० वर्षे आहे. वयाची गणना पात्रता तारखेनुसार केली जाईल. सरकारी नियमांनुसार राखीव प्रवर्गातील उमेदवारांना वयोमर्यादेत सवलत दिली जाईल. निवड झालेल्या उमेदवारांना वेतन स्तर २ (पे लेव्हल २) अंतर्गत सुरुवातीचे वेतन १९,९०० रुपये तसेच इतर भत्ते मिळतील.

पात्रतेचे निकष काय आहेत?

सहाय्यक लोको पायलट पदासाठी अर्ज करण्यासाठी खालील पात्रता आवश्यक आहे:

उमेदवाराने मान्यताप्राप्त बोर्डातून १० वी (एसएससी) उत्तीर्ण केलेली असावी.

 त्यांच्याकडे संबंधित ट्रेडमधील आयटीआय (ITI) प्रमाणपत्र असणे आवश्यक आहे.

 किंवा मेकॅनिकल, इलेक्ट्रिकल, इलेक्ट्रॉनिक्स किंवा ऑटोमोबाईल इंजिनिअरिंगमध्ये डिप्लोमा असलेले उमेदवार देखील अर्ज करू शकतात.

 किंवा या संबंधित अभियांत्रिकी शाखांमध्ये पदवी असलेले उमेदवार अर्ज करण्यास पात्र असतील.

निवड प्रक्रिया कशी असेल?

उमेदवारांची निवड अनेक टप्प्यांतून करण्यात येईल:

१. संगणक-आधारित चाचणी (सीबीटी-१)

२. सीबीटी-२

३. संगणक-आधारित अभियोग्यता चाचणी

४. कागदपत्र पडताळणी

५. वैद्यकीय तपासणी

सर्व टप्पे यशस्वीरीत्या पार केलेल्या उमेदवारांना अंतिम निवृत्ती देण्यात येईल.

ही मोठी संधी सोडू नका!

१० वी उत्तीर्ण झालेल्या आणि आयटीआई किंवा डिप्लोमा धारक असलेल्या उमेदवारांसाठी ही सुवर्णसंधी आहे. रेल्वेत स्थिर सरकारी नोकरी मिळवण्याचा हा उत्तम मार्ग असून, पदांची संख्याही मोठी आहे. अर्ज करण्यापूर्वी अधिकृत वेबसाइटवरील सूचना नीट वाचावीत आणि आवश्यक कागदपत्रे तयार ठेवावीत.