दिघंचीत मटका व्यवसायाचा सुळसुळाट; वारंवार तक्रारी करूनही कारवाई का नाही?

 'विद्यार्थ्यांचे मित्र म्हणून मी भेटायला आलो आहे, इथे राजकीय वक्तव्य करणार नाही, राजकीय टीका करणार नाही'; 'एमपीएससी विद्यार्थ्यांच्या प्रश्नावर मुख्यमंत्री सकारात्मक आहेत'; 'शरद पवार साहेब ज्येष्ठ नेते आहेत, त्यांनी सामंजस्याची भूमिका घेतली आहे'; 'रोहित पवार हे माझे मित्र आहेत, उद्या कदाचित ते माझ्याबरोबर मंत्रिमंडळात मंत्री देखील असतील'; 'ते चांगल्याला चांगले म्हणतात'; 'आपण विद्यार्थ्यांसाठी एकत्रित काम करू'; 'त्यांनी आंदोलन करावं, पण विद्यार्थ्यांना वेठीस धरू नये'; 'व्ही. राधा समिती एमपीएससीमध्ये सुधारणेवर काम करत आहे, भविष्यात विद्यार्थ्यांना कधीच आंदोलनाची वेळ येणार नाही'; 'सरकारने सचिवांची बदली केली, विद्यार्थ्यांच्या पाठीशी आहोत'

क्रांती न्यूज (प्रतिनिधी) - सचिन मेनकुदळे

पुणे : महाराष्ट्र लोकसेवा आयोगाचे अध्यक्ष विवेक भीमनवार यांच्या राजीनाम्यासाठी आणि इतर मागण्यांसाठी पुण्यात गेल्या चार दिवसांपासून आंदोलन सुरू आहे. शरद पवारांच्या राष्ट्रवादीचे आमदार रोहित पवार यांनी त्या ठिकाणी ठिय्या मांडला आहे. त्याचवेळी विद्यार्थ्यांनी हे आंदोलन मागे घ्यावे यासाठी सरकारच्या स्तरावरून प्रयत्न केले जात आहेत. राज्याचे मंत्री नितेश राणे यांनी आंदोलनाच्या ठिकाणी भेट दिली आणि विद्यार्थ्यांना आवाहन केलं. सरकार विद्यार्थ्यांच्या भल्यासाठी काम करत असून मुख्यमंत्री सकारात्मक आहेत, असं राणे म्हणाले. त्याचवेळी त्यांनी रोहित पवारांनी हे आंदोलन मागे घ्यावे, आपण विद्यार्थ्यांसाठी एकत्रित काम करुयात असंही आवाहन केलं. रोहित पवार हे कदाचित उद्या माझ्यासोबत मंत्रिमंडळात असतील, असंही नितेश राणे म्हणाले.

पुण्यातील एमपीएससी विद्यार्थ्यांच्या आंदोलनाला भेट दिल्यानंतर नितेश राणे यांनी माध्यमांशी संवाद साधला. ते म्हणाले की, "विद्यार्थ्यांचे मित्र म्हणून मी भेटायला आलो आहे. विद्यार्थी म्हणून राज्याच्या भविष्यासाठी इथे आलो आहे, त्यामुळे या ठिकाणी राजकीय वक्तव्य करणार नाही, राजकीय टीका करणार नाही. एमपीएससी विद्यार्थ्यांच्या प्रश्नावर मुख्यमंत्री सकारात्मक आहेत. विद्यार्थ्यांनी त्यांच्या कुटुंबाचा विचार करावा, त्यांच्या कृतीवर भविष्य अवलंबून आहे."

शरद पवार साहेब ज्येष्ठ नेते आहेत, त्यांनी सामंजस्याची भूमिका घेतली आहे. त्यांनी मुख्यमंत्र्यांशी संवाद साधण्याची भूमिका घेतली आहे. त्याप्रमाणे रोहित पवारांनीही चर्चेची भूमिका घ्यावी. ते विद्यार्थ्यांच्या प्रश्नावर लढतात. त्यांनी आंदोलन करावं, पण विद्यार्थ्यांना वेठीस धरू नये, असं आवाहन नितेश राणे यांनी केलं.

व्ही. राधा समिती एमपीएससीमध्ये सुधारणेवर काम करत आहे. त्यामुळे भविष्यात विद्यार्थ्यांना कधीच आंदोलनाची वेळ येणार नाही यावर विश्वास ठेवा, असं नितेश राणे यावेळी म्हणाले.

"हा राजकारणाचा मंच नाही, विद्यार्थ्यांच्या भविष्याचा प्रश्न आहे. विद्यार्थ्यांच्या भल्यासाठीच आम्ही मंत्रालयात बसतो. रोहित पवार हे माझे मित्र आहेत. उद्या कदाचित ते माझ्याबरोबर मंत्रिमंडळात मंत्री देखील असतील. ते चांगल्याला चांगले म्हणतात. आपण विद्यार्थ्यांसाठी एकत्रित काम करू. त्यांनी आंदोलन करावं, पण विद्यार्थ्यांना वेठीस धरू नये."

सरकारने विद्यार्थ्यांच्या मागण्या मान्य केल्या आहेत. त्यांच्या मनातील सगळ्या गोष्टी करत आहेत. सरकारने सचिवांची बदली केली. सरकार म्हणून आम्ही विद्यार्थ्यांच्या पाठीशी आहोत. तुम्हाला पाहिजे तशी प्रक्रिया राबवू, असं आश्वासन यावेळी नितेश राणे यांनी दिलं.

महाराष्ट्र लोकसेवा आयोगाच्या औषध निरीक्षक परीक्षेतील पेपरफुटीमुळे राज्यभरातील स्पर्धा परीक्षेची तयारी करणाऱ्या हजारो उमेदवारांमध्ये संतापाची लाट उसळली आहे. या प्रकरणाची नैतिक जबाबदारी स्वीकारून आयोगाचे अध्यक्ष विवेक भीमनवार यांनी तातडीने राजीनामा द्यावा, या मुख्य मागणीसाठी पुण्यातील एस. एम. जोशी पुलावर विद्यार्थ्यांनी आंदोलन सुरू केले आहे.

या प्रकरणामुळे पुण्यातील राजकीय वातावरण चांगलेच तापले आहे. एका बाजूला नितेश राणे यांनी विद्यार्थ्यांना आंदोलन मागे घेण्याचे आवाहन केले असता, दुसऱ्या बाजूला रोहित पवार आंदोलनावर ठाम आहेत. या प्रकरणामुळे राज्यातील राजकीय समीकरणे बदलण्याची शक्यता नाकारता येत नाही.

एमपीएससी आंदोलनाला मंत्री नितेश राणे यांनी भेट दिली आणि विद्यार्थ्यांना आवाहन केले. 'विद्यार्थ्यांचे मित्र म्हणून मी भेटायला आलो आहे' असे ते म्हणाले. 'एमपीएससी विद्यार्थ्यांच्या प्रश्नावर मुख्यमंत्री सकारात्मक आहेत' असेही त्यांनी सांगितले. 'रोहित पवार हे माझे मित्र आहेत, उद्या कदाचित ते माझ्याबरोबर मंत्रिमंडळात मंत्री देखील असतील' असेही राणे म्हणाले. 'ते चांगल्याला चांगले म्हणतात' असेही त्यांनी सांगितले. 'व्ही. राधा समिती एमपीएससीमध्ये सुधारणेवर काम करत आहे, भविष्यात विद्यार्थ्यांना कधीच आंदोलनाची वेळ येणार नाही' असा विश्वास त्यांनी व्यक्त केला. 'सरकारने सचिवांची बदली केली, विद्यार्थ्यांच्या पाठीशी आहोत' असेही त्यांनी सांगितले. या प्रकरणामुळे पुण्यातील राजकीय वातावरण तापले आहे.